PP

José Enrique Sotelo Villar, portavoz do grupo municipal do Partido Popular no Concello de Cangas e Luis Boullosa Nores, concelleiro e membro do devandito grupo municipal presentan ó PLENO a seguinte

MOCIÓN

O desemprego rexistrado a nivel estatal no Inem, chegou no mes de outubro/2009 á cifra de 3.808.400 persoas, o que supón un incremento dun millón de parados máis respecto do mesmo mes do ano anterior. Se acudimos á enquisa da población activa (EPA) do terceiro trimestre do ano 2009, en términos relativos o paro chegou ó 18% e remataremos o ano superando con creces o 20%.

O paro rexistrado nos concellos do Morrazo (Cangas, Moaña e Bueu), con alcaldías do BNG, incrementouse nun 24,39% respecto ó mes de outubro/2008, e neste porcentaxe están incluidas as 2.480 persoas que corresponden ó Concello de Cangas, sobre todo do sector servizos.

Ante isto, o goberno tripartito de Cangas non está na via de dar unha resposta a estes cidadáns, e fai tempo que deixou de ter entre as súas prioridades facilitar os mecanismos de inserción laboral para os cidadáns que están padecendo esta lacra social.

O único que preocupou a este goberno municipal, ue se auto etiqueta de esquerdas, é inventarse un nome rimbombante, a saber, Concellería de Benestar, Desenvolvemento Local, Creación de Emprego, Comercio e Novas Tecnoloxías, pero detrás disto non existe xestión, nin fondos dedicados á mellor política social, que é o acadar emprego para os veciños.

Todo o anterior está relacionado co feito de que se está a piques de rematar o ano 2009, e Cangas non conta nin cun programa experimental para a inserción laboral, nin cun programa mixto de formación e emprego (escola-obradoiro, obradoiro de emprego) nin o tivo nesta lexislatura.

Xa dixemos moitas veces que a xestión desta área non tiña o sentido axeitado (mocións e preguntas de febreiro/2008, xuño/2008, novembro/2008, maio/2009, setembro/2009) e a Alcaldía, coa súa altanería, nin siquera respostou as nosas preguntas nin o concelleiro convoca a comisión informativa para falar destes asuntos.

O concelleiro responsable non apostou por unha escola-obradoiro para Cangas, a pesar de que están rexistrados como parados 273 xoves cangueses na oficina do Inem, o que supón un incremento do 56% respecto o mes de outubro/2008, e a consecuencia disto é que cando xa se decidiu en qué poboacións vase executar estes programas de formación, Cangas non está entre as beneficiadas. Case seguro que o devandito concelleiro vai escusarse botando balóns fóra, pero non se debe esquencer que xa leva dous anos e medio con responsabilidades de goberno e xa xoincidiu cun goberno PSOE-BNG na Xunta de Galicia e non foi capaz de traer un obradoiro de emprego para o noso concello.

Nosoutros pensamos que tanto Cangas en particular, coma no conxunto do Morrazo, existe unha necesidade real de dar formación para o emprego de xoves con idades inferiores ós 25 anos, porque entre os tres concellos (Cangas, Moaña e Bueu) suman un total de 610 inscritos como parados menores de 25 anos.

Estamos convencidos de que a equivocada xestión do concelleiro responsable desta área ante a Consellería de Traballo e benestar, trouxonos esta situación de parálise nos programas de emprego, porque se plantexara a solicitude dunha escola-obradoiro, como xa lle dixemos moitas veces, Cangas sería a sede deste proxecto para todo o Morrazo. Isto é así porque existe unha necesidade real no Morrazo e observamos que as dúas peticións de escola-obradoiro que se realizaron dende a provincia de Pontevedra foron aceptadas frente a varios proxectos de obradoiro de emprego que foron rexeitados.

Por todo o anterior, o grupo municipal do partido Popular propón ó PLENO a adopción dos seguintes

ACORDOS

PRIMEIRO.- MANIFESTAR o desexo da Corporación Municipal de que a Sra. Alcaldesa cese o actual concelleiro delegado de Benestar, Desenvolvemento Local, Creación de Emprego, Comercio e Novas Tecnoloxías, e designe a outro  concelleiro.

SEGUNDO.- MANIFESTAR o desexo desta Corporación Municipal de que na vindeira convocatoria de subvencións para a realización de escolas-obradoiro e casas de oficios e de obradoiros de emprego se solicite unha escola-obradoiro para Cangas.

Cangas, 13 de novembro de 2009

AlbaCordeiro Magdaleno e María Luísa Prieto Rial concelleiras do grupo municipal do Partido Popular, ao amparo do disposto nos artigos 91.4 e 97 do Regulamento de Organización, Funcionamento e Réxie Xurídico das Entidades Locais presentan ante o Pleno da Corporación Municpal esta MOCIÓN, con base nos motivos e consideracións desenvolvidos na seguinte:

EXPOSICIÓN DE MOTIVOS

Como consecuencia da entrada en vigor da Lei 39/2006, de 14 de decembro, de Promoción da Autonomía Persoal e Atención ás persoas en situación de dependencia, popularmente coñecida como Lei de Dependencia ena que se regulan as condicións básicas de promción da autonomía persoal e de atención ás persoas en situación de dependencia mediante a creación dun Sistema para a Autonomía e Atención á Dependencia (SAAD), no que colaboran e participan todas aquelas Administracións Públicas con competencias na materia, producíronse unha serie de cambios drásticos que condicionaron de forma importante o funcionamento dos servizos sociais municipais, afectados dunha insuficiencia orzamentaria importante e dunha dependencia total do Plan Concertado da Xunta de Galicia.

Esta nova Lei dotou de dereitos obxectivos e obxectivables ao colectivo de Dependentes, que hoxe, transcorridos case tres anos desde a entrada en vigor desa lei atópase francamente lonxe de ser conseguidos polas administracións. Neste punto, cabe recordar que a Lei de Dependencia contemplaba un calendaio de posta en marcha extremadamente ambicioso, que se foi incumprindo de forma progresiva, ante a incapacidade de xestión das comunidades autónomas, e ante a falta de servizos e recurss económicos suficientes para facer efectivos os dereitos recoñecidos á poboación considera como gran dependente.

En Galicia, a realidade demográfica, sociolóxica e xeográfica supuxo un hándicap engadido. A elevada procentaxe de poboación envellecida, a dispersión poboacional e a propia orografía levan un sobrecusto para os servizos básicos que de forma directa prestan os concellos e a Xunta de Galicia. O certo é que estas circunstancias fan que Galicia arrastre un atraso importante na aplicaión da Lei de Dependenciae tendo en conta que un dos maiores obstáculos é a insuficiencia financeira conviría revisar o sistema implantado polo Goberno co obxecto de conseguir que este se comprometa de verdade coa lei e, por extensión, que o cidadán poida recibir os servizos efectivos que a lei garante dun xeito máis áxil e dentro dun espazo temporal máis reducido. Non é de recibo crear unha norma que xera tantas expectativas sen dotala dos recursos ecoómicos necesarios e sen pactar o sistema de financiamento cos Gobernos Autonómicos e as Administracións Locais, as dúas institucións que en última instancia se están responsabilizandos da aplicación da mesma.

Por todo iso, o Grupo Municipal do Partido Popula somete para asúa toma en consideración polo Pleno da Corporación as seguintes:

PROPOSTAS DE ACORDO:

1. Instar ao Goberno Central a que asuma o 50% do custo do servizo efectivo outorgado polas CC.AA. na Lei de Dependencia, buscando o cumprimento da lei.

2. Instar ao goberno da Xunta de Galicia a devolver aos concellos o protagonismo que sempre tiveron na atención social, delimitando competencias e buscando fórmular de colaboración entre concellos, deputacións e Xunta de Galicia, para que o cidadán reciba os servizos efectivos que a lei le garante.

3. Instar ao goberno central a ter en conta o recoñecemento economico efectivo acorde á situación de dispersión e envellecemento de Galicia.

4. Instar á Xunta de Galicia e aos gobernos municipais a colaborar con todas as entidades prestadoras de servizos sociais para garantir unha rede coordinada de servizos, unha oferta suficiente de prazas de residencia, centros de día, axuda a domicilio, teleasistencia e centros especializados.

Cangas, 11 de novembro de 2009